Starfsmönnum í skólum á háskólastigi hefur fækkað um 125 frá síðasta skólaári (4,1%) og stöðugildum um 54 (2,3%). Á sama tímabili fjölgaði nemendum í skólum á háskólastigi um 5,8%.

Lög um Seðlabanka Íslands kveða svo á að peningastefnunefnd Seðlabanka Íslands skuli gefa Alþingi skýrslu um störf sín tvisvar á ári. Ennfremur segir í lögunum að efni skýrslunnar skuli rætt á sameiginlegum fundi efnahags- og skattanefndar, fjárlaganefndar og viðskiptanefndar. Fyrri skýrsla peningastefnunefndar Seðlabanka Íslands á árinu 2010 hefur nú verið send Alþingi og er birt hér á vef Seðlabanka Íslands.

Út er komin rannsóknarritgerð nr. 50, A DSGE model for Iceland (Tímatengt, almennt jafnvægislíkan með slembistærðum fyrir Ísland). Höfundur ritgerðarinnar er Martin Seneca sem starfað hefur á hagfræðisviði bankans.

Samkvæmt vísitölu launa voru regluleg laun að meðaltali 1,2% hærri á öðrum ársfjórðungi 2010 en í ársfjórðungnum á undan. Á sama tímabili hækkuðu laun á almennum vinnumarkaði um 1,5% en laun opinberra starfsmanna hækkuðu um 0,4% að meðaltali.

Ársskýrsla Hagstofu Íslands fyrir árið 2009 hefur nú verið gefin út. Er það önnur ársskýrslan sem Hagstofan sendir frá sér, en stofnunin varð sjálfstæð stofnun 2008 samkvæmt lögum nr. 163/2007.

Samkvæmt bráðabirgðatölum fyrir ágúst 2010 var útflutningur fob 41,8 milljarður króna og innflutningur fob 39,4 milljarðar króna. Vöruskiptin í ágúst, reiknuð á fob verðmæti, voru því hagstæð um 2,4 milljarða króna samkvæmt bráðabirgðatölum.

Útgjöld Íslendinga til menntastofnana námu 7,8% af vergri landsframleiðslu árið 2007 og var Ísland í efsta sæti meðal OECD ríkja hvað þessi útgjöld varðar. Vegið meðaltal OECD ríkja var 6,2% og meðaltal ríkjanna var 5,7%.

Frétt um fæðingar 2009 sem birta átti í dag þriðjudaginn 7. september hefur verið frestað til föstudagsins 10. september n.k.

Innflutt hráefni til fiskvinnslu var 43.866 tonn árið 2009 og dróst saman í magni um tæp 87 þúsund tonn frá fyrra ári eða um 66%. Verðmæti þessa innflutnings var 6,2 milljarðar króna sem er tæplega 1,9 milljarða króna lægri fjárhæð en árið 2008 á verðlagi hvors árs.

Á 2. ársfjórðungi 2010 var tekjuhalli hins opinbera 30 milljarða króna samanborið við um 42 milljarða króna tekjuhalla á sama tíma 2009. Sem hlutfall af landsframleiðslu ársfjórðungsins mældist tekjuhallinn 8,0% og sem hlutfall af tekjum hins opinbera 18,6%.

Gistinætur á hótelum í júlí síðastliðnum voru 193.500 en voru 203.200 í sama mánuði árið 2009. Fækkun gistinátta í júlí nær til allra landsvæða nema Vesturlands, Vestfjarða og Suðurnesja.

Landsframleiðsla dróst saman að raungildi um 6,8% samkvæmt endurskoðuðum tölum Hagstofunnar yfir þjóðhagsreikninga á árinu 2009. Í áætlun frá því í mars síðastliðnum var talið að samdrátturinn á árinu 2009 hafi numið 6,5%.

Landsframleiðsla er talin hafa dregist saman um 3,1% að raungildi frá 1. ársfjórðungi 2010 til 2. ársfjórðungs 2010. Á sama tíma drógust þjóðarútgjöld saman um 7,4%. Einkaneysla dróst saman um 3,2% og fjárfesting dróst saman um 4,7%. Samneysla jókst um 1,0%.

Fundargerð peningastefnunefndar Seðlabanka Íslands frá 16. og 17. ágúst vegna ákvörðunar um vexti hinn 18. ágúst síðastliðinn er nú aðgengileg hér á vef bankans.

Alls höfðu 82,2% starfsmanna við kennslu í nóvember 2009 kennsluréttindi og hefur fjölgað úr 78,0% árið áður. Hlutfall réttindakennara hefur ekki verið svona hátt frá því að gagnasöfnun Hagstofunnar hófst fyrir áratug.

Aflaverðmæti íslenskra skipa nam rúmum 57 milljörðum króna á fyrstu fimm mánuðum ársins 2010 samanborið við 43,1 milljarð á sama tímabili 2009. Aflaverðmæti hefur því aukist um tæpa 14 milljarða eða 32,4% á milli ára.

Í júlímánuði voru fluttar út vörur fyrir tæpa 44,0 milljarða króna og inn fyrir 39,3 milljarða króna fob (42,5 milljarða króna cif). Vöruskiptin í júlí, reiknuð á fob verðmæti, voru því hagstæð um 4,6 milljarða króna. Í júlí 2009 voru vöruskiptin hagstæð um tæpa 0,4 milljarða króna á sama gengi.

Á vef Seðlabanka Íslands hafa nú verið birt bráðabirgðayfirlit um greiðslujöfnuð við útlönd á öðrum ársfjórðungi 2010 og um stöðu þjóðarbúsins í lok fjórðungsins. Viðskiptajöfnuður mældist óhagstæður um 9 ma.kr. á öðrum ársfjórðungi samanborið við rúmlega 18 ma.kr. óhagstæðan jöfnuð á fjórðungnum á undan. Afgangur af vöruskiptum við útlönd var 32,5 ma.kr. og 13,5 ma.kr. afgangur var á þjónustuviðskiptum. Jöfnuður þáttatekna var hinsvegar neikvæður um 53 ma.kr.

Skýrsluna má nálgast með því að smella hér.