Launavísitala í janúar 2012 er 418,2 stig og er óbreytt frá fyrri mánuði. Síðastliðna tólf mánuði hefur launavísitalan hækkað um 9,1%. Vísitala kaupmáttar launa í janúar er 110,8 stig og lækkar um 0,3% frá fyrri mánuði. Síðustu tólf mánuði hefur vísitala kaupmáttar launa hækkað um 2,5%

Seðlabanki Íslands birtir mánaðarlega tilkynningu um dráttarvexti og vexti af peningakröfum.

Aflaverðmæti íslenskra skipa nam 143 milljörðum króna fyrstu 11 mánuði ársins 2011 samanborið við tæpa 125 milljarða á sama tímabili 2010. Aflaverðmæti hefur því aukist um 18,3 milljarða króna eða 14,7% á milli ára.

Árið 2011 létust 1.985 einstaklingar sem búsettir voru á Íslandi, 998 karlar og 987 konur. Dánartíðni var 6,2 látnir á hverja 1.000 íbúa og lækkaði lítillega frá árinu 2010. Ungbarnadauði á Íslandi var 0,9 börn af hverjum 1.000 lifandi fæddum árið 2011 en var 2,2 börn af hverjum 1.000 lifandi fæddum árið 2010.

Á árinu 2011 voru 180.000 á vinnumarkaði eða 80,4% atvinnuþátttaka. Fjöldi starfandi var 167.300 hlutfall þeirra af vinnuafli var 74,7%. Árið 2011 voru að meðaltali 12.700 manns án vinnu og í atvinnuleit eða 7,1% vinnuaflsins.

Vísitala byggingarkostnaðar reiknuð um miðjan febrúar 2012 er 113,0 stig (desember 2009=100) sem er hækkun um 1,6% frá fyrri mánuði. Verð á innfluttu efni hækkaði um 3,2% (áhrif á vísitölu 0,9%) en verð á innlendu efni hækkaði um 0,6% (0,2%).

Matsfyrirtækið Fitch hækkaði í dag lánshæfiseinkunn Ríkissjóðs Íslands fyrir langtímaskuldbindingar í erlendri mynt í BBB- úr BB+ og eru horfur stöðugar. Lánshæfismat Íslands er því á ný komið í fjárfestingaflokk hjá Fitch.

Heildarafli íslenskra skipa í nýliðnum janúarmánuði, metinn á föstu verði, var 41,9% meiri en í janúar 2011. Aflinn nam alls 193.811 tonnum í janúar 2012 samanborið við 119.669 tonn í janúar 2011

Hinn 12. janúar 2012 bauðst Seðlabanki Íslands til að kaupa evrur í skiptum fyrir íslenskar krónur til fjárfestingar til langs tíma í íslensku atvinnulífi eða gegn greiðslu í ríkisverðbréfum í flokknum RIKS 30 0701.

Fjallað verður um stífni nafnlauna og launaákvarðanir. Frummælendur eru: Jósef Sigurðsson og Rannveig Sigurðardóttir. Umfjöllunin byggir á grein um sama efni sem kom út í rannsóknaritgerðaröð Seðlabanka Íslands í ágúst sl.

2. tölublað

ELS-tíðinda er nú aðgengilegt á vefnum. Tíðindin eru aðeins birt með rafrænum hætti. Útprentun af tíðindunum er þó fáanleg hjá Einkaleyfastofunni gegn greiðslu.

Komið hefur í ljós villa í aldursskiptingu talna um mannfjöldann 1. desember 2011. Tafla um skiptingu landsmanna eftir sveitarfélögum, kyni og aldri 1. desember 2011 frá því 14. febrúar eru því endurbirtar, sem og tvær töflur um skiptingu eftir trúfélögum og sóknum sem birtar voru 7. febrúar.

Hinn 1. janúar 2012 voru landsmenn alls 319.575 og hafði fjölgað um 1.123 frá sama tíma árið 2011. Þetta jafngildir fjölgun landsmanna um 0,4%. Konum fjölgaði nokkuð meira en körlum eða um 0,5% á móti 0,2%.

Fréttatilkynningu um mannfjöldann 1. janúar 2012, sem birtast átti í dag 7. febrúar, hefur verið frestað til þriðjudagsins 14. febrúar 2012.

Gistinætur á hótelum í desember voru 69.200 samanborið við 54.300 í desember 2010. Gistinætur erlendra gesta voru um 76% af heildarfjölda gistinátta í desember en gistinóttum þeirra fjölgaði um 37% samanborið við desember 2010. Á sama tíma fjölgaði gistinóttum Íslendinga um 4%.

Samkvæmt bráðabirgðatölum fyrir janúar 2012 var útflutningur fob tæpir 49,3 milljarðar króna og innflutningur fob 37,2 milljarðar króna. Vöruskiptin í janúar, reiknuð á fob verðmæti, voru því hagstæð um 12,0 milljarða króna samkvæmt bráðabirgðatölum.

Vegna villu í grunngögnum í desember þarf að leiðrétta bráðabirgðatölur um vöruskiptin við útlönd 2011. Útflutningur í desember 2011 lækkar því um 7,6 milljarða í heild. Endanlegar niðurstöður um vöruskiptin fyrir árið 2011 verða gefnar út í apríl 2012.