Sýnishorn af samþykktum hlutafélags o.fl.
Viðskiptaráðuneytinu, 1.9. 1997
EFNISYFIRLIT
Leiðbeiningar um að nálgast skrá
Sýnishorn af stofnsamningi (stofnskrá) hlutafélags
Sýnishorn af stofnfundargerð hlutafélags
Sýnishorn af samþykktum hlutafélags
Sýnishorn af stofnsamningi (stofnskrá) einkahlutafélags margra aðila
Sýnishorn af stofnfundargerð einkahlutafélags margra aðila
Sýnishorn af samþykktum einkahlutafélags eins eða margra aðila
Sýnishorn af stofnskrá (stofnsamningi) einkahlutafélags eins aðila
Sýnishorn af stofngerð einkahlutafélags eins aðila
Tilvísanir í lög um hlutafélög eru í endurútgefin lög um hlutafélög nr. 2/1995, með síðari breytingum, en tilvísanir í lög um einkahlutafélög nr. 138/1994, með síðari breytingum.
Sýnishorn af stofnsamningi (stofnskrá) hlutafélags
S T O F N S A M N I N G U R
1. gr.
Heiti félagsins er H hf. Heimilisfang félagsins er að X-götu 100 í Reykjavík.
2. gr.
Tilgangur félagsins er almenn byggingarstarfsemi og rekstur trésmíðaverkstæðis, svo og rekstur fasteigna, lánastarfsemi og skyldur rekstur.
3. gr.
Hlutafé félagsins er 4.000.000 kr. og greinist í 400 jafna hluti. Hlutir skulu hljóða á nafn.
Stofnendur skrifa sig fyrir hlutafé sem hér segir:
Ari Arason 200.000 kr.
Bjarni Bjarnason 400.000 "
Guðrún Guðmundsdóttir 400.000 "
Jón Jónsson 2.000.000 "
Jóna Jónsdóttir 1.000.000 "
Allt hlutafé er þegar greitt.
4. gr.
Kostnaður við stofnun félagsins, sem er áætlaður 160.000 kr., greiðist úr félagssjóði.
Reykjavík, 31. janúar 1995.
Sýnishorn af stofnfundargerð hlutafélags
S T O F N F U N D A R G E R Ð
Stofnfundur hlutafélagsins H hf. var haldinn að Hamarshöfða 39, Reykjavík hinn 2. janúar 1995.
Fundinn sóttu: Ari Arason, Bjarni Bjarnason, Guðrún Guðmundsdóttir, Jón Jónsson og Jóna Jónsdóttir.
Á fundinum var lagt fram frumvarp að stofnsamningi fyrir hlutafélagið með drögum að samþykktum sem teljast hluti hans.
Frumvarpið var kynnt fundarmönnum. Það var síðan borið undir atkvæði og samþykkt samhljóða.
Þá fór fram kosning í trúnaðarstöður hjá félaginu:
Í stjórn félagsins náðu kjöri Jón Jónsson, formaður, og meðstjórnendur Bjarni Bjarnason og Jóna Jónsdóttir.
Sem endurskoðendur/skoðunarmenn voru kjörnir Ólafur Ólafsson og Sigríður Sigurðardóttir en til vara Óskar Óskarsson og Signý Sveinsdóttir.
Jafnframt var Bjarni Bjarnason ráðinn framkvæmdastjóri með prókúru. Einnig var samþykkt að Jón Jónsson hefði prókúru. Nýkjörinni stjórn var falið að tilkynna félagið til hlutafélagaskrár og útvega þau leyfi sem til þarf.
Fleiri mál voru ekki tekin fyrir.
Fundargerðin var lesin upp og hún staðfest en fundi síðan slitið.
Reykjavík, 31. janúar 1995.
Sýnishorn af samþykktum hlutafélags
S A M Þ Y K K T I R F Y R I R H HF.
1. gr.
Félagið er hlutafélag og er nafn þess H hf.
2. gr.
Heimilisfang félagsins er að X-götu í Reykjavík.
3. gr.
Tilgangur félagsins er almenn byggingarstarfsemi og rekstur trésmíðaverkstæðis, svo og rekstur fasteigna, lánastarfsemi og skyldur rekstur.
4. gr.
Hlutafé félagsins er kr. 4.000.000 -krónur fjórar milljónir. Hver hlutur er að fjárhæð kr. 10.000 -krónur tíu þúsund- að nafnverði.
5. gr.
Heimilt er að hækka hlutafé félagsins með ályktun hluthafafundar og þarf til sama magn atkvæða og til breytinga á samþykktum þessum. Hluthafar skulu hafa forgangsrétt að öllum nýjum hlutum í sínum eigin flokkum í hlutfalli við skráða hlutafjáreign sína. Hlutahafafundur einn getur ákveðið lækkun hlutafjár.
6. gr.
Hlutabréf skulu tölusett og hljóða á nafn viðkomandi hluthafa. Stjórn félagsins skal halda hlutaskrá samkvæmt lögum.
7. gr.
Eigendaskipti að hlutum í félaginu öðlast ekki gildi gagnvart því fyrr en stjórn þess hefur verið tilkynnt um það skriflega.
Stjórn félagsins hefur forkaupsrétt fyrir félagsins hönd að fölum hlutum. Að félaginu frágengnu hafa hluthafar forkaupsrétt að hlutum í hlutfalli við hlutafjáreign sína. Verði ágreiningur um verð hluta skal það ákveðið með mati tveggja óvilhallra manna sem dómkvaddir skulu til þess starfa. Forkaupsréttarhafi hefur tveggja mánaða frest til að beita forkaupsrétti sínum og telst fresturinn frá tilkynningu til stjórnar um tilboð. Þá mega eigi líða fleiri en þrír mánuðir frá því að kaup voru ákveðin þar til kaupverð er greitt.
Eigendaskipti vegna erfða eða búskipta lúta ekki framan-greindum forkaupsréttarreglum.
Óheimilt er að veðsetja eða gefa hluti í félaginu án samþykkis félagsstjórnar.
8. gr.
Félagið má eigi veita lán út á hluti sína nema lög leyfi. Félaginu er heimilt að kaupa eigin hluti að því marki sem lög leyfa. Óheimilt er að neyta atkvæðisréttar fyrir þá hluti sem félagið á sjálft.
9. gr.
Hluthafar bera ekki ábyrgð á skuldbindingum félagsins fram yfir hlut sinn í félaginu.
10. gr.
Æðsta vald í málefnum félagsins er í höndum lögmætra hluthafafunda.
11. gr.
Aðalfundur skal haldinn fyrir lok júní ár hvert.
Aukafundi skal halda eftir ákvörðun stjórnar eða að kröfu kjörinna endurskoð-enda eða skoðunarmanna eða hluthafa sem ráða a.m.k. einum tíunda hluta hlutafjár í félaginu. Skal krafan skriflega gerð og fundarefni tilgreint og fundur boðaður þá innan fjórtán daga. Ef stjórnin skirrist við að boða fund eftir móttöku slíkrar kröfu má leita atbeina stjórnvalda samkvæmt lögum um hlutafélög.
12. gr.
Félagsstjórn skal boða til hluthafafundar með tilkynningu til hvers hluthafa í ábyrgðarbréfi eða símskeyti eða á annan jafnsannanlegan hátt. Aðalfund skal boða með minnst fjórtán daga fyrirvara en aukafund með minnst sjö daga fyrirvara. Fundarefnis skal getið í fundarboði.
Hluthafafundur er lögmætur ef hann er löglega boðaður og hann sækja hluthafar eða umboðsmenn þeirra sem hafa yfir að ráða helmingi hlutafjár í félaginu að minnsta kosti. Verði fundur ólögmætur vegna annmarka að þessu leyti skal boðað til nýs fundar innan mánaðar með sjö daga fyrirvara og verður sá fundur lögmætur til að ræða þau mál sem ræða átti á fyrri fundinum ef hann sækja hluthafar eða umboðsmenn þeirra sem ráða yfir 10% hlutafjár í félaginu hið minnsta.
Hluthafa-fundur kýs fundarstjóra og fundarritara.
13. gr.
Eitt atkvæði fylgir hverjum 10.000 krónum í hlutafé. Hluthafar geta með skriflegu umboði veitt umboðsmönnum heimild til að sækja hluthafafund og fara með atkvæðisrétt sinn.
Á hluthafafundi ræður afl atkvæða nema öðruvísi sé fyrir mælt í landslögum eða samþykktum þessum. Samþykki allra hluthafa þarf til þess:
a. að skylda hluthafa til að leggja fram fé í félagsþarfir fram yfir skuldbindingar sínar,
b. að takmarka heimild manna til meðferðar á hlutum sínum eða
c. að breyta ákvæðum samþykktanna um hlutdeild manna í félaginu eða jafnrétti þeirra á milli.
Tillögur um breytingar á samþykktum félagsins eða um sameiningu þess við önnur félög eða fyrirtæki má ekki taka til meðferðar á fundum þess nema þess hafi verið getið í fundarboði.
14. gr.
Á aðalfundi skulu tekin fyrir þessi mál:
1. Stjórn félagsins skal skýra frá hag félagsins og rekstri þess á liðnu starfsári.
2. Efnahagsreikningur og rekstrarreikningur félagsins fyrir liðið starfsár skulu lagðir fram ásamt athugasemdum en-durskoðenda eða skoðunarmanna félagsins til samþykktar.
3. Stjórn félagsins skal kjörin og endurskoðendur eða skoðunarmenn.
4. Tekin skal ákvörðun um hvernig fara skal með hagnað eða tap og um arð og framlög í varasjóð.
5. Ákvörðun skal tekin um greiðslur til stjórnarmanna og skoðunarmanna fyrir störf þeirra á starfsárinu.
6. Umræður og atkvæðagreiðslur um önnur málefni sem löglega eru upp borin.
15. gr.
Fundargerðarbók skal haldin og í hana skráð það sem gerist á hluthafafundum.
16. gr.
Stjórn félagsins skal skipuð þremur mönnum, kjörnum á aðalfundi til eins árs í senn. Stjórn félagsins stýrir öllum málefnum félagsins milli hluthafafunda og gætir hagsmuna þess gagnvart þriðja manni. Undirskriftir tveggja stjórnarmanna skuldbinda félagið. Stjórnarfundir eru lögmætir ef tveir stjórnarmenn sækja fund. Afl atkvæða ræður afgreiðslu mála. Verði atkvæði jöfn ræður atkvæði formanns úrslitum. Halda skal fundargerð um stjórnarfund.
17. gr.
Stjórnin skiptir sjálf með sér verkum. Formaður boðar til stjórnarfunda. Hver stjórnarmaður getur krafist stjórnarfundar. Sama rétt á framkvæmdastjóri.
Stjórnin skal setja sér starfsreglur þar sem nánar skal kveðið á um framkvæmd starfa hennar.
18. gr.
Stjórn félagsins ræður framkvæmdastjóra og ákveður starfskjör hans. Hún veitir og prókúruumboð fyrir félagið.
Framkvæmdastjóri hefur með höndum stjórn á daglegum rekstri félagsins og kemur fram fyrir þess hönd í öllum málum sem varða venjulegan rekstur. Hann sér um reikningshald og ráðningu starfsliðs. Framkvæmdastjóra ber að veita stjórnarmönnum og endurskoðendum eða skoðunarmönnum allar upplýsingar um rekstur félagsins sem þeir kunna að óska og veita ber samkvæmt lögum.
19. gr.
Á aðalfundi félagsins skal kjósa tvo löggilta endurskoðendur eða skoðunarmenn ásamt varamönnum. Skulu þeir rannsaka reikninga félagsins fyrir hvert starfsár og leggja niðurstöður sínar fyrir aðalfund. Endurskoðendur eða skoðunarmenn má ekki kjósa úr hópi stjórnarmanna eða starfsmanna félagsins.
20. gr.
Starfsár og reikningsár er almanaksárið. Stjórnin skal hafa lokið gerð ársreikninga og lagt fyrir endurskoðendur eða skoðunarmenn eigi síðar en einum mánuði fyrir aðalfund.
21. gr.
Engin sérréttindi fylgja hlutum í félaginu. Hluthafar þurfa ekki að sæta innlausn hluta sinna nema lög standi til annars.
22. gr.
Samþykktum þessum má breyta á lögmætum aðalfundi eða aukafundi með 2/3 hlutum greiddra atkvæða, svo og með samþykki hluthafa sem ráða yfir a.m.k. 2/3 hlutum af því hlutafé í félaginu sem farið er með atkvæði fyrir á fundinum, enda sé annað atkvæðamagn ekki áskilið í samþykktum eða landslögum, sbr. 93. gr. hfl.
23. gr.
Með tillögur um slit og skipti á félaginu skal fara sem um breytingar á samþykkt-um þessum. Þarf atkvæði hluthafa sem ráða minnst 2/3 hlutum af heildarhlutafé félagsins til að ákvörðun um slit sé gild. Hluthafafundur, sem tekið hefur löglega ákvörðun um slit eða skipti félagsins, skal einnig ákveða ráðstöfun eigna og greiðslu skulda.
24. gr.
Þar sem ákvæði samþykkta þessara segja ekki til um hvernig með skuli farið skal hlíta ákvæðum laga um hlutafélög, svo og öðrum lagaákvæðum er við geta átt.
Þannig samþykkt á stofnfundi félagsins í Reykjavík 31. janúar 1995.
Sýnishorn af stofnsamningi (stofnskrá) einkahlutafélags margra aðila
S T O F N S A M N I N G U R
1. gr.
Heiti félagsins er E ehf. Heimilisfang félagsins er að Y-götu 100 í Reykjavík.
2. gr.
Tilgangur félagsins er smásala og heildsala, rekstur fasteigna og lánastarfsemi.
3. gr.
Hlutafé félagsins er 500.000 kr. og greinist í 50 jafna hluti. Hlutir skulu hljóða á nafn.
Stofnendur skrifa sig fyrir hlutafé sem hér segir:
Ari Arason 100.000 kr.
Guðrún Guðmundsdóttir 200.000 "
Jón Jónsson 200.000 "
Allt hlutafé er þegar greitt.
4. gr.
Kostnaður við stofnun félagsins, sem er áætlaður 160.000 kr., greiðist úr félagssjóði.
Reykjavík, 2. janúar 1995.
Sýnishorn af stofnfundargerð einkahlutafélags margra aðila
S T O F N F U N D A R G E R Ð
Stofnfundur einkahlutafélagsins E ehf. var haldinn að Hamarshöfða 39, Reykjavík hinn 2. janúar 1995. Fundinn sóttu Ari Arason, Guðrún Guðmundsdóttir og Jón Jónsson.
Á fundinum var lagt fram frumvarp að stofnsamningi fyrir einkahlutafélagið með drögum að samþykktum sem teljast hluti hans.
Frumvarpið var kynnt fundarmönnum. Það var síðan borið undir atkvæði og samþykkt samhljóða.
Þá fór fram kosning í trúnaðarstöður hjá félaginu:
Í stjórn félagsins náðu kjöri Jón Jónsson, formaður, og meðstjórnendur Ari Arason og Guðrún Guðmundsdóttir.
Sem endurskoðandi/skoðunarmaður var kjörinn Ólafur Ólafsson en til vara Sigríður Sigurðardóttir.
Jafnframt var Ari Arason ráðinn framkvæmdastjóri með prókúru. Einnig var samþykkt að Jón Jónsson hefði prókúru. Nýkjörinni stjórn var falið að tilkynna félagið til hlutafélagaskrár og útvega þau leyfi sem til þarf.
Fleiri mál voru ekki tekin fyrir.
Fundargerðin var lesin upp og hún staðfest en fundi síðan slitið.
Reykjavík, 2. janúar 1995.
Sýnishorn af samþykktum einkahlutafélags eins eða margra aðila
S A M Þ Y K K T I R F Y R I R E EHF.
1. gr.
Félagið er einkahlutafélag og er nafn þess E ehf.
2. gr.
Heimilisfang félagsins er að Y-götu í Reykjavík.
3. gr.
Tilgangur félagsins er smásala og heildsala, rekstur fasteigna og lánastarfsemi.
4. gr.
Hlutafé félagsins er kr. 500.000 -krónur fimm hundruð þúsund. Hver hlutur er að fjárhæð kr. 10.000 -krónur tíu þúsund- að nafnverði.
5. gr.
Heimilt er að hækka hlutafé félagsins með ályktun hluthafafundar og þarf til sama magn atkvæða og til breytinga á samþykktum þessum. Hluthafar skulu hafa forgangsrétt að öllum nýjum hlutum í sínum eigin flokkum í hlutfalli við skráða hlutafjáreign sína. Hlutahafafundur einn getur ákveðið lækkun hlutafjár.
Sé hluthafi einn getur hann að lagaskilyrðum fullnægðum skráð hækkun eða lækkun hlutafjár í gerðabók.
6. gr.
Stjórn félagsins skal halda hlutaskrá samkvæmt lögum.
7. gr.
Eigendaskipti að hlutum í félaginu öðlast ekki gildi gagnvart því fyrr en stjórn þess hefur verið tilkynnt um það skriflega eða þau hafa verið færð í gerðabók einkahlutafélags eins aðila.
Stjórn félagsins hefur forkaupsrétt fyrir félagsins hönd að fölum hlutum. Að félaginu frágengnu hefur hluthafi forkaupsrétt að hlutum í hlutfalli við hlutafjáreign sína. Verði ágreiningur um verð hluta skal það ákveðið með mati tveggja óvilhallra manna sem dómkvaddir skulu til þess starfa. Forkaupsréttarhafi hefur tveggja mánaða frest til að beita forkaupsrétti sínum og telst fresturinn frá tilkynningu til stjórnar um tilboð. Þá mega eigi líða fleiri en þrír mánuðir frá því að kaup voru ákveðin þar til kaupverð er greitt.
Eigendaskipti vegna erfða eða búskipta lúta ekki framangreindum forkaupsréttarreglum.
Óheimilt er að veðsetja eða gefa hluti í félaginu án samþykkis félagsstjórnar.
Ef einkahlutafélag, sem er skráð í eigu fleiri en eins aðila, kemst á hendur eins aðila skal tilkynna hlutafélagaskrá það.
8. gr.
Félagið má eigi veita lán út á hluti sína nema lög leyfi. Félaginu er heimilt að kaupa eigin hluti að því marki sem lög leyfa. Óheimilt er að neyta atkvæðisréttar fyrir þá hluti sem félagið á sjálft.
9. gr.
Hluthafi ber ekki ábyrgð á skuldbindingum félagsins fram yfir hlut sinn í félaginu.
10. gr.
Æðsta vald í málefnum félagsins er í höndum lögmætra hluthafafunda séu hluthafar fleiri en einn en ella í höndum hluthafans, sbr. lög um einkahlutafélög (ehfl.).
11. gr.
Aðalfundur skal haldinn fyrir lok ágúst ár hvert.
Sé hluthafi einn þarf ekki að halda aðalfund heldur skal hluthafinn taka viðeigandi ákvarðanir skv. 59. gr. ehfl. og skrá þær í gerðabók skv. 55. gr. ehfl.
Aukafundi skal halda eftir ákvörðun stjórnar eða að kröfu hluthafa sem ráða a.m.k. einum tíunda hluta hlutafjár í félaginu. Skal krafan skriflega gerð og fundarefni tilgreint og fundur boðaður þá innan fjórtán daga. Ef stjórnin skirrist við að boða fund eftir móttöku slíkrar kröfu má leita atbeina stjórnvalda samkvæmt lögum um einkahlutafélög.
Sé hluthafi einn tekur hann afstöðu til mála, sem almennt er fjallað um á aukafundum, og skráir ákvarðanir í gerðabók.
12. gr.
Félagsstjórn skal boða til hluthafafunda með tilkynningu til hvers hluthafa í ábyrgðarbréfi eða símskeyti eða á annan jafnsannanlegan hátt. Aðalfund skal boða með minnst fjórtán daga fyrirvara en aukafund með minnst sjö daga fyrirvara. Fundarefnis skal getið í fundarboði.
Hluthafafundur er lögmætur ef hann er löglega boðaður og hann sækja hluthafar eða umboðsmenn þeirra sem hafa yfir að ráða helmingi hlutafjár í félaginu að minnsta kosti. Verði fundur ólögmætur vegna annmarka að þessu leyti skal boðað til nýs fundar innan mánaðar með sjö daga fyrirvara og verður sá fundur lögmætur til að ræða þau mál sem ræða átti á fyrri fundinum ef hann sækja hluthafar eða umboðsmenn þeirra sem ráða yfir 10% hlutafjár í félaginu hið minnsta.
13. gr.
Eitt atkvæði fylgir hverjum 10.000 krónum í hlutafé. Hluthafar geta með skriflegu umboði veitt umboðsmönnum heimild til að sækja hluthafafund og fara með atkvæðisrétt sinn.
Á hluthafafundi ræður afl atkvæða nema öðruvísi sé fyrir mælt í landslögum eða samþykktum þessum. Samþykki allra hluthafa þarf til þess:
a. að skylda hluthafa til að leggja fram fé í félagsþarfir fram yfir skuldbindingar sínar,
b. að takmarka heimild manna til meðferðar á hlutum sínum eða
c. að breyta ákvæðum samþykktanna um hlutdeild manna í félaginu eða jafnrétti þeirra á milli.
Tillögur um breytingar á samþykktum félagsins eða um sameiningu þess við önnur félög eða fyrirtæki má ekki taka til meðferðar á fundum þess nema þess hafi verið getið í fundarboði.
14. gr.
Á aðalfundi skulu tekin fyrir þessi mál:
1. Stjórn félagsins skal skýra frá hag félagsins og rekstri þess á liðnu starfsári.
2. Efnahagsreikningur og rekstrarreikningur félagsins fyrir liðið starfsár skulu lagðir fram ásamt athugasemdum endurskoðenda eða skoðunarmanna félagsins til samþykktar.
3. Stjórn félagsins skal kjörin og endurskoðendur eða skoðunarmenn.
4. Tekin skal ákvörðun um hvernig fara skal með hagnað eða tap og um arð og framlög í varasjóð.
5. Ákvörðun skal tekin um greiðslur til stjórnar- og skoðunarmanna fyrir störf þeirra á starfsárinu.
6. Umræður og atkvæðagreiðslur um önnur málefni sem löglega eru upp borin.
Verði hluthafi einn skal hann taka ákvarðanir skv. 59. gr. ehfl.
15. gr.
Fundargerðarbók skal haldin og í hana skráð það sem gerist á hluthafafundum.
Sé hluthafi einn skráir hann ákvarðanir í gerðabók.
16. gr.
Stjórn félagsins skal skipuð einum til þremur mönnum, kjörnum á aðalfundi til eins árs í senn, þó eigi færri en þremur séu hluthafar fimm eða fleiri. Skipi stjórnina einn eða tveir menn skal jafnframt kjörinn a.m.k. einn varamaður til sama tíma.
Stjórn félagsins stýrir öllum málefnum félagsins milli hluthafafunda og gætir hagsmuna þess gagnvart þriðja manni. Í fjölskipaðri stjórn skuldbinda undirskriftir meirihluta stjórnar félagið en í eins manns stjórn undirskrift stjórnarmannsins.
Stjórnarfundir eru lögmætir ef meirihluti stjórnarmanna sækir fund. Afl atkvæða ræður afgreiðslu mála. Verði atkvæði jöfn ræður atkvæði formanns úrslitum. Halda skal fundargerð um stjórnarfund.
Ef stjórn félagsins er aðeins skipuð einum manni og framkvæmdastjóri er í félaginu skal stjórnarmaðurinn að jafnaði taka mikilvægar ákvarðanir í málefnum félagsins að höfðu samráði við framkvæmdastjórann, sé hann eigi sami maður, og skrá þær í gerðabók félagsins.
17. gr.
Sé stjórnin fjölskipuð skiptir hún sjálf með sér verkum. Formaður boðar til stjórnarfunda. Hver stjórnarmaður getur krafist stjórnarfundar. Sama rétt á framkvæmdastjóri.
Stjórnin skal setja sér starfsreglur þar sem nánar skal kveðið á um framkvæmd starfa hennar.
18. gr.
Stjórn félagsins ræður framkvæmdastjóra og ákveður starfskjör hans. Hún veitir og prókúruumboð fyrir félagið. Skipi einn maður stjórnina getur hann jafnframt verið framkvæmdastjóri, sbr. 41. gr. ehfl.
Framkvæmdastjóri hefur með höndum stjórn á daglegum rekstri félagsins og kemur fram fyrir þess hönd í öllum málum sem varða venjulegan rekstur. Hann sér um reikningshald og ráðningu starfsliðs. Framkvæmdastjóra ber að veita stjórnarmönnum og endurskoðendum eða skoðunarmönnum allar upplýsingar um rekstur félagsins sem þeir kunna að óska og veita ber samkvæmt lögum.
19. gr.
Á aðalfundi félagsins skal kjósa einn eða fleiri löggilta endurskoðendur eða skoðunarmenn ásamt varamönnum. Skulu þeir rannsaka reikninga félagsins fyrir hvert starfsár og leggja niðurstöður sínar fyrir aðalfund. Endurskoðendur eða skoðunarmenn má ekki kjósa úr hópi stjórnarmanna eða starfsmanna félagsins.
20. gr.
Starfsár og reikningsár er almanaksárið. Stjórnin skal hafa lokið gerð ársreikninga og lagt fyrir endurskoðendur eða skoðunarmenn eigi síðar en einum mánuði fyrir aðalfund.
21. gr.
Engin sérréttindi fylgja hlutum í félaginu. Hluthafar þurfa ekki að sæta innlausn hluta sinna nema lög standi til annars.
22. gr.
Samþykktum þessum má breyta á lögmætum aðalfundi eða aukafundi með 2/3 hlutum greiddra atkvæða, svo og með samþykki hluthafa sem ráða yfir a.m.k. 2/3 hlutum af því hlutafé í félaginu sem farið er með atkvæði fyrir á fundinum, enda sé annað atkvæðamagn ekki áskilið í samþykktum eða landslögum, sbr. 68. gr. ehfl.
Sé hluthafi einn getur hann breytt samþykktun þessum með skráningu ákvörðunar í gerðabók, sbr. 55. og 59. gr. ehfl.
23. gr.
Með tillögur um slit og skipti á félaginu skal fara sem um breytingar á samþykktum þessum. Þarf atkvæði hluthafa sem ráða minnst 2/3 hlutum af heildarhlutafé félagsins til að ákvörðun um slit sé gild. Hluthafafundur, sem tekið hefur löglega ákvörðun um slit eða skipti félagsins, skal einnig ákveða ráðstöfun eigna og greiðslu skulda.
24. gr.
Þar sem ákvæði samþykkta þessara segja ekki til um hvernig með skuli farið skal hlíta ákvæðum laga um einkahlutafélög, svo og öðrum lagaákvæðum er við geta átt.
Þannig samþykkt í Reykjavík 2. janúar 1995.
Sýnishorn af stofnskrá (stofnsamningi) einkahlutafélags eins aðila
S T O F N S K R Á
Heiti félagsins er E ehf. Heimilisfang félagsins er að Y-götu 100 í Reykjavík.
2. gr.
Tilgangur félagsins er smásala og heildsala, rekstur fasteigna og lánastarfsemi.
3. gr.
Hlutafé félagsins er 500.000 kr. og greinist í 50 jafna hluti. Hlutir skulu hljóða á nafn.
Stofnandi skrifar sig fyrir hlutafé sem hér segir:
Ari Arason 500.000 kr.
Allt hlutafé er þegar greitt.
4. gr.
Kostnaður við stofnun félagsins, sem er áætlaður 160.000 kr., greiðist úr félagssjóði.
Reykjavík, 2. janúar 1995.
Sýnishorn af stofngerð einkahlutafélags eins aðila
S T O F N G E R Ð
Stofnskrá og samþykktir fyrir einkahlutafélagið E ehf. liggja fyrir undirritaðar og samþykktar.
Í stjórn félagsins situr Ari Arason sem jafnframt er framkvæmdastjóri með prókúru. Í varastjórn situr Guðrún Guðmundsdóttir.
Endurskoðandi/skoðunarmaður er Ólafur Ólafsson en til vara Sigríður Sigurðardóttir.
Félagið verður tilkynnt til hlutafélagaskrár.
Reykjavík, 2. janúar 1995.