Mál 1/2001 - Frávísun.

Varðar: Mál nr. 1/2001 hjá Kærunefnd lausafjár- og þjónustukaupa.

Kærunefnd hefur móttekið erindi yðar og tekið það til umfjöllunar. Lögbundið hlutverk kærunefndar lausafjár- og þjónustukaupa er að fjalla um ágreining um réttindi og skyldur samkvæmt lögum nr. 50/2000 um lausafjárkaup og lögum nr. 42/2000 um þjónustukaup. Lög þessi tóku gildi 1. júní 2001. Þau ná ekki til réttarágreinings sem á rætur sínar að rekja til atvika sem áttu sér stað fyrir þann tíma. Sá kaupsamningur sem vísað er til í bréfi yðar var gerður þann 24. október 2000. Fellur ágreiningur vegna hans því ekki undir lögbundið starfssvið kærunefndarinnar.
Í bréfi yðar er vísað til verðlagningar fyrirtækisins X á nýjum og notuðum rafhlöðum. Í álitsbeiðni þarf að koma fram með skýrum hætti hvert ágreiningsefni er, hver er krafa aðila og rökstuðningur fyrir henni. Kærunefndin fjallar ekki um almenn álitaefni sem snerta ekki tiltekinn réttarágreining.
Með vísan til ofangreinds er máli þessu vísað frá kærunefndinni.