Nefnd til að fara yfir lög á sviði fjármálamarkaðar

Viðskiptaráðherra hefur skipað í nefnd til að fara yfir lög á sviði fjármálamarkaðar. Er nefndinni ætlað að huga sérstaklega að því hvort tilefni sé til að endurskoða ákvæði um viðskipti starfsmanna fjármálafyrirtækja við slík fyrirtæki, töku hlutabréfa fjármálafyrirtækja sem veð gegn láni, hlutverk, hæfisskilyrði og reglur stjórna, eignarhald, takmarkanir á stórum áhættum og náin tengsl. Skal nefndin hafa til hliðsjónar þá vinnu sem fram fer á vegum Evrópusambandsins í tengslum við breytingar á reglum vegna fjármálaáfallsins.

Í nefndinni eiga sæti:

• Kjartan Gunnarsson, skrststj. í viðskiptaráðuneytinu, formaður,
• Árný J. Guðmundsdóttir, lögfr. í Fjármálaeftirlitinu, samkvæmt tilnefningu Fjármálaeftirlitsins
• Birgir Örn Arnarson, frkvstj., samkvæmt tilnefningu Samtaka fjármálafyrirtækja,
• Vilhjálmur Bjarnason, frkvstj., samkvæmt tilnefningu Samtaka fjárfesta.

Starfsmenn nefndarinnar verða Sigríður Rafnar Pétursdóttir og Ómar Þór Eyjólfsson, lögfræðingar í viðskiptaráðuneytinu.

Nefndin skal ljúka störfum eigi síðar en 15. apríl  2009