Allar nefndir
Fjármálaeftirlitið - Stjórn 2009 - 2010
Samkvæmt 4. gr. laga nr. 87/1998 um opinbert eftirlit með fjármálastarfsemi, fer þriggja manna stjórn skipuð af viðskiptaráðherra til fjögurra ára í senn með yfirstjórn Fjármálaeftirlitsins. Skal einn stjórnarmaður skipaður eftir tilnefningu frá Seðlabanka Íslands. Varamenn skulu skipaðir með sama hætti. Ráðherra skipar formann stjórnar og ákveður þóknun stjórnarmanna.
Hlutverk stjórnar er að móta áherslur í starfi og fylgjast með starfsemi og rekstri Fjármálaeftirlitsins. Meiri háttar ákvarðanir skal bera undir stjórnina til samþykktar eða synjunar.
Stjórn Fjármálaeftirlitsins er skipuð til 31. desember 2010.
Í stjórninni sitja eftirtaldir aðal- og varamenn:
- Lilja Ólafsdóttir héraðsdómslögmaður, formaður
- Kristín Haraldsdóttir, lögfræðingur, LLM.,
- Jón Þ. Sigurgeirsson, framkvæmdastjóri, tilnefndur af Seðlabanka Íslands,
- Þóra Margrét Hjaltested, lögfræðingur, varamaður,
- Tryggvi Pálsson, framkvæmdastjóri fjármálasviðs, varamaður, tilnefndur af Seðlabanka Íslands,
- Óskar Sigurðsson, héraðsdómslögmaður, varamaður.
