Með vísan til 9. gr. samkeppnislaga hefur viðskiptaráðherra eftir tilnefningu Hæstaréttar skipað áfrýjunarnefnd samkeppnismála. Gildir skipunin til 9. júní 2013 sbr. 3. mgr. 9. gr. samkeppnislaga.

Eftirlitsnefnd félags fasteignasala starfar samkvæmt 19. gr. laga um sölu fasteigna-, fyrirtækja- og skipa nr. 99/2004. Eftirlitsnefnd Félags fasteignasala skal hafa eftirlit með því að fasteignasalar starfi í samræmi við fyrirmæli laganna, siðareglur félagsins og góðar venjur í fasteignasölu og hefur nefndin ákveðnar heimildir til rannsóknar beitingar agaviðurlaga skv. III. kafla laganna.

Alþingi samþykkti í október 2009 lög um aðgerðir í þágu einstaklinga, heimila og fyrirtækja vegna banka- og gjaldeyrishrunsins, nr. 107/2009. Í kjölfarið skipaði efnahags- og viðskiptaráðherra eftirlitsnefnd um framkvæmd sértækrar skuldaaðlögunar, sbr. 4. gr. laganna.

Samkvæmt 96. gr. umferðarlaga nr. 50/1987 skipar ráðherra þriggja manna nefnd til að kveða á um hvort beita skuli endurkröfurétti vegna gáleysis eða ásetnings þess sem ábyrgð ber á tjóni sem vátryggingafélag hefur bætt samkvæmt umferðalögum.

Samkvæmt 4. gr. laga nr. 87/1998 um opinbert eftirlit með fjármálastarfsemi, fer þriggja manna stjórn skipuð af viðskiptaráðherra til fjögurra ára í senn með yfirstjórn Fjármálaeftirlitsins.

Á fundi Alþingis þann 11. ágúst 2009 fór fram kosning fimm manna og jafnmargra varamanna í nefnd um erlenda fjárfestingu á grundvelli 12. gr. laga nr. 34/1991, um fjárfestingu erlendra aðila í atvinnurekstri. Samkvæmt sömu grein skipar efnahags - og viðskiptaráðherra formann og varaformann nefndarinnar úr hópi hinna þingkjörnu nefndarmanna.

Viðskiptaráðherra hefur skipað eftirtalda í nefnd samkvæmt 3. mgr. 2. gr. laga nr. 27/1981, um rétt manna til að kalla sig viðskiptafræðinga eða hagfræðinga, sbr. lög nr. 41/2001.

Efnahags- og viðskiptaráðherra skipar prófnefnd bifreiðasala til tveggja ára í senn samkvæmt 1. gr. reglugerðar nr. 45/2003 um námskeið og próf til að öðlast leyfi til sölu notaðra ökutækja, sbr. lög nr. 28/1998 um verslunaratvinnu. Í nefndinni eiga sæti þrír menn og skal einn þeirra vera fulltrúi bifreiðaeigenda og annar fulltrúi bifreiðasala. Þrír varamenn skulu valdir með sama hætti.

Efnahags- og viðskiptaráðherra skipar prófnefnd bifreiðasala til tveggja ára í senn samkvæmt 1. gr. reglugerðar nr. 45/2003 um námskeið og próf til að öðlast leyfi til sölu notaðra ökutækja, sbr. lög nr. 28/1998 um verslunaratvinnu.

Samkvæmt 4. mgr. 43. gr. laga nr. 145/1994, um bókhald með síðari breytingum starfar prófnefnd til fjögurra ára í senn.

Endurskoðendaráð skipar þriggja manna prófnefnd endurskoðenda samkvæmt 5. gr. laga nr. 79/2008 um endurskoðendur.

Prófnefnd fasteignasala starfar samkvæmt 3. gr. laga um sölu fasteigna-, fyrirtækja- og skipasölu, nr. 99/2004. Prófnefndin skal hafa á hendi forstöðu námskeiðs til réttindanáms fyrir þá sem vilja öðlast löggildingu sem fasteigna-, fyrirtækja- og skipasalar samkvæmt lögum 99/2004 og reglugerð 837/2004 um námskeið og prófraun til að öðlast löggildingu.

Með vísan til 2. mgr. 15. gr. samkeppnislaga nr. 44/2005 hefur viðskiptaráðherra skipað nýja stjórn Samkeppniseftirlitsins, en skipunartími fyrri stjórnar rann út í lok maí 2009.

Samkvæmt 7. gr. laga um opinbert eftirlit með fjármálastarfsemi, nr. 87/1998, skal sérstök samráðsnefnd sem skipuð er fulltrúum eftirlitsskyldra aðila starfa í tengslum við Fjármálaeftirlitið.

Samkvæmt 15. gr. laga nr. 131/1997 um rafræna eignarskráningu verðbréfa skal skipa samráðsnefnd verðbréfamiðstöðva, kauphalla og Seðlabanka Íslands sem ætlað er að fjalla um samskipti áðurnefndra stofnana í tengslum við frágang viðskipta.

Á grundvelli 6. gr. laga nr. 103/1994 um jöfnun á flutningskostnaði olíuvara eru eftirtaldir skipaðir í stjórn flutningsjöfnunarsjóðs olíuvara yrir tímabilið 1. september 2010 - 31. ágúst 2012 eða styttri tíma ef lög breytast.

Með vísan til 4. gr. laga nr. 98/1999, um innstæðutryggingar og tryggingakerfi fyrir fjárfesta
skipar efnahags- og viðskiparáðherra fulltrúa í stjórn Tryggingarsjóðs innstæðueigenda og fjárfesta.

Með vísan til 19. gr. laga nr. 98/1999, um innstæðutryggingar og tryggingakerfi fyrir fjárfesta tilnefnir efnahags- og viðskiptaráðherra fulltrúa til setu í stjórn Tryggingasjóðs sparisjóða til þriggja ára í senn.

Samkvæmt 19. gr. laga um Viðlagatryggingu Íslands nr. 55/1992 skipar viðskiptaráðherra fjögurra manna úrskurðarnefnd sem úrskurðar um ágreining um ákvarðanir stjórnar Viðlagatryggingar Íslands.

Samkvæmt 2. mgr. 25. gr. laga nr. 131/1997 um rafræna eignarskráningu verðbréfa skipar ráðherra þrjá menn í úrskurðarnefnd verðbréfamiðstöðva, til fjögurra ára í senn. Til úrskurðarnefndarinnar má beina kæru vegna ágreinings sem kann að rísa í tilefni af eignarskráningu í verðbréfamiðstöð eða annarra atriða sem falla undir gildissvið laga nr. 131/1997. Þetta á þó ekki við um skaðabótakröfur.

Samkvæmt 2. gr. laga nr. 55/1992 um Viðlagatryggingu Íslands er stjórn stofnunarinnar skipuð fimm mönnum sem skipaðir eru til fjögurra ára í senn. Eru þrír kosnir af Alþingi, einn valinn af þeim vátryggingafélögum sem innheimta iðgjöld til Viðlagatryggingar Íslands og einn skipaður af ráðherra og er hann jafnframt formaður stjórnar. Varamenn eru valdir með sama hætti.