Samráðsnefnd verðbréfamiðstöðva, kauphalla og Seðlabanka.

Samkvæmt 15. gr. laga nr. 131/1997 um rafræna eignarskráningu verðbréfa skal skipa samráðsnefnd verðbréfamiðstöðva, kauphalla og Seðlabanka Íslands sem ætlað er að fjalla um samskipti áðurnefndra stofnana í tengslum við frágang viðskipta.

Viðskiptaráðherra skipaði nefndina 28. september 2003. (Áður skipuð nefnd verðbréfamiðstöðva, Verðbréfaþings Íslands og Seðlabanka Íslands hefur lokið störfum.)

Í nefndinni eru:

• Guðmundur Kr. Tómasson, Seðlabanka Íslands, formaður,
• Einar S. Sigurjónsson, Verðbréfaskráningu Íslands hf., og
• Þórður Friðjónsson, Kauphöll Íslands hf.